Ingvar Stenström — Jeszenszky Ferenc: Interlingua
25 Lection vinti-cinque / Vinti-quinte lection
Hanganyag letöltése (MP3 - 3,55 MB)
LE PRIME NIVE
Le autumno tosto va transir in hiberno. Le arbores sta nude, jam depost longe disfoliate. Il es un vespere autumnal, un vespere de autumno tarde.
Hugo e Anna ha passate le ecclesia e nunc se promena a transverso le parco. Le aere es fresc. Durante tote le die le celo habeva essite obscur e nunc on pote vider ni le luna ni le stellas.
"Le autumno me pare un tempore triste", dice Anna, "si gris e pluviose. Etiam le hiberno non me place con su frigor." - "No, etiam a me illo non gusta multo", consenti Hugo, "sed le natura debe dormir. E pensa a isto: le hiberno precede le primavera, con su flores e odores. E postea veni le estate, calide, con sol e belle tempore sempre, sempre!" (Al pluvias estive, que non es si infrequente, illes non pensa.) "Ah", Hugo continua con enthusiasmo pretendite, "refrescar se per banios in le undas de un mar salin!" Anna ride: "Evidentemente le autumno non face te troppo triste!" - "No, iste autumno me sembla supportabile ...", ille replica immediatemente, e prendente le mano molle de su amica, ille adde, seriose, "considerante que io va 'hibernar' e ir al incontro del primavera con te."
Mano in mano illes continua lor promenada, tacente. Subito illes se arresta, e torna lor facies in alto. Lentemente comencia cader le prime nive. Illes se reguarda - e lor labios se incontra, teneremente, in le prime basio.
E nunc, car lector, nos dice - discretemente - "Adeo!" a Hugo e Anna.
Szójegyzék
| nive | hó | illo me gusta | kedvelem | |
| autumno | ősz | consentir | egyetérteni | |
| autumnal | őszi | preceder | megelőzni | |
| transir | átmenni | primavera | tavasz | |
| hiberno | tél | odor | illat, szag | |
| nude | meztelen | estate | nyár | |
| depost | óta | sol | nap (égitest) | |
| depost longe | régóta | infrequente | ritka | |
| disfoliar | lombtalanítani | pretendite | állítólagos; mesterkélt | |
| tarde | késő | refrescar | felfrissíteni | |
| ecclesia | (keresztény) templom, egyház | unda | hullám | |
| promenar se | sétálni | mar | tenger | |
| promenada | séta | sal | só | |
| áere | levegő | salin | sós | |
| fresc | friss | supportabile | elviselhető | |
| celo | ég | replicar | visszavágni | |
| obscur | sötét | considerar | meggondolni, tekinteni | |
| ni | sem | hibernar | telelni | |
| stella | csillag | al incontro de | felé | |
| triste | szomorú | tacente | hallgató | |
| gris | szürke | arrestar | megállítani | |
| pluver | esni (eső) | in alto | felfelé | |
| pluvia | eső | lente | lassú | |
| pluviose | esős | ténere | gyengéd | |
| frigor | hideg(ség) | basio | csók | |
| gustar | ízleni | adéo | istenhozzád |